11/01/2014 09:54:25

Ish ministrat që morën kredi të buta si pastrehë

Tre emra në listën e të pastrehëve: Flamur Ndoka, Ridvan Bode, Bamir Topi

TIRANE - Ish Ministri i brendshëm Flamur Noka, ish Ministri i financave, Ritvan Bode dhe ish Presidenti Bamir Topi kanë marrë kredi të buta nga Enti Kombëtar i Banesave. Lajmi u dha sot nga mediat. Flamur Noka, duke nisur nga viti 2009 ka marrë një kredi nga Enti i Banesave me një kohëzgjatje prej 25 vjet dhe me vlerën 5.000 000 lekë. Ritvan Bode ka një kredi për apartament, marrë nga Enti Kombëtar i Banesave, gjendja 1 520 000 lekë, një kredi në euro, marrë në vitin 2007, me gjendje 20.109 euro, ndërsa ka përfunduar riparimin e shtëpisë, pronë e rikthyer në fshatin Rakickë në Korçë, me vlerë 5.000 000 lekë. Bamir Topi në deklaratën e tij të pasurisë thuhej se kishte për të shlyer kredi për shtëpi banimi të marrë nga Enti Kombëtar i Banesave me vlerë 57.600 lekë. Në listën e përfituesve të kredive janë dhe 7 deputetë. Na ndiqni dhe në Facebook dhe Twitter

HermesNews - ©2014

Dërgo me email | Stampo artikullin